La 1-a de januaro estas la tago kiam en plejmulto da landoj de la mondo ĉiujare centoj da verkoj de diversaj aŭtoroj eniras en publikan havaĵon. En Eŭropa Unio temas pri verkoj de aŭtoroj, kiuj mortis antaŭ 70 jaroj rilate al la pasinta jaro aŭ pri verkoj de anonimaj aŭtoroj publikigitaj antaŭ 70 jaroj. Je la 1-a de januaro 2015 eniros en publikan havaĵon verkoj de aŭtoroj, kiuj mortis dum la jaro 1944.
Verkoj en publika havaĵo povas esti uzitaj per kiu ajn maniero aŭ por kiu ajn kialo, kiu ne malvalorigas la verkon: ili povas esti filmigataj, tradukataj, kundividataj kaj eldonataj sen neceso peti posedantojn de aŭtoraj rajtoj, kiuj povas esti en multaj kazoj (ĉefe se temas pri malmulte konataj verkoj) malfacile troveblaj.
Ni kredas, ke malaperiĝo de aŭtoraj rajtoj estas por vivo de ĉiu verko pozitiva. Tiujn verkojn ni povas kundividi kun geamikoj, enigi en ciferecajn bibliotekojn kaj enciklopediojn kaj krei novajn verkojn surbaze de verkojn publikhavaĵajn. Tio cio gravas por ke tiuj ĉi verkoj ne malaperu, respektive por ke ili povu denove uzataj de vasta publiko. Ekzemplo de verkoj kreitaj surbaze de verkoj en publika havaĵo estas aŭdiolibroj en projekto LibriVox.
Pro tiuj ĉi kaj aliaj kialoj ni aliĝas al tutmonda iniciativo kaj festo de Tago de Publika Havaĵo (angle Public Domain Day).
Je la 1-a de januaro 2015 ni publikigos sur nia retpaĝaro kune kun organizoj de la tuta mondo liston de aŭtoroj, kies verkoj ĝuste eniros en publikan havaĵon (inter ili ankaŭ verkoj de kelkaj ĉeĥaj esperantistoj). Vi povas festi kun ni. Sufiĉas se vi je la 1-a de januaro publikigos liston de publikhavaĵaj aŭtoroj sur via retpaĝaro, blogo aŭ profilo sur socia reto. Ankaŭ vi povas interrete publikigi ĝuste liberigitan libron, poemaron aŭ foton – via fantazio ne estas limigata.
Se vi interesiĝas pri kunlaboron rilate al festo de Tago de Publika Havaĵo 2015, kontaktu nin.
Ĉi tiu verko estas disponebla laŭ la permesilo Krea Komunaĵo Atribuite 4.0 Tutmonda.