Komitato

Prezidanto

Paulína Jalakšová

La ĉefa parto de mia vivo (aparte de Esperanto) estas miaj studoj de financoj kaj kondutekonomio ĉe la Universitato de Ekonomio en Prago. Krom kalkuli monon, mi ĝuas pli artajn aferojn, ekzemple desegnadon kaj verkadon. Nuntempe mi provas plibonigi miajn sportajn kutimojn kun grimpado kaj teniso. Mi ankaŭ ŝatas lerni lingvojn kaj nun mi provas venki kontraŭ la Germana ĉe Duolingo.

Mi kaj Esperanto estas bonaj amikoj ekde la somero 2015, kiam mi partoprenis Someran Esperanton studadon en Martin. Ekde tiam, ĉio iris vere rapide. Mi iĝis vicprezidantino de SKEJ kaj poste ĉefe prezidantino de ĈEJ. Aldoni, mi antaŭ ne longe komencis labori por TEJO, kiun mi reprezentis, ekzemple, ĉe la Eŭropa Junulara Forumo. Esperanto donis al mi ŝancon multon lerni, viziti malsamajn landojn, renkonti interesajn homojn kaj multe pli. Mi antaŭĝojas kion ĝi alportos en estonteco.

Vicprezidanto

Václav Zouzalík

Mi naskiĝis en 1992. Esperanton mi malkovris en la jaro 2008 kaj post tri jaroj mi partoprenis mian unuan Esperanto-renkontiĝon. Vi povis vidi min dum Somera Esperanto-Studado (2011–2013), Konferenco pri Aplikoj de Esperanto en Scienco kaj Tekniko 2012 kaj dum Centrejo 2014. Krom Esperanto mi anakaŭ inter 2009 kaj 2012 estis volontulo en Salesiana Centro de Junularo en la urbo České Budějovice, ekde 2007 mi kontribuas al projektoj de Vikimedia Fondaĵo (Vikipedio, Vikinovaĵoj, ktp.) kaj ekde 2012 mi studis ĉe Fakultato de Informadiko de Masaryk-Universitato en Brno.

Kasisto

Veronika Venislovas

Mi estas el Hungario, sed mi estis sufiĉe freneza por translokiĝi al Ĉeĥio antaŭ kelkaj jaroj. Mi studas internacian ekonomion en la Universitato de Ekonomio en Prago, kaj krome interesiĝas pri lingvoj, detektivromanoj, feminismo, operaoj kaj multaj aliaj aferoj. 2020 alportos mian esperantan 10-jariĝon, kvankam en la movado mi aktivas nur ekde 2013. Antaŭ ol iĝi kasisto de ĈEJ, mi ĉefe okupiĝis pri organizado de aranĝoj en Hungario kaj aktivado en TEJO kiel komitatano.